Ea Okira maiun ana service Starlink iaon Ukraine imiin matena

Ukraine- 25 Okitoba 2026 (Tungaru Press)

Ea tia n manga okira arona ana tiewete te starlink iaon Ukraine mai miin matena inanon te maan ae 10 te bong,  Ukraine e rang kabongana ana tieweti SpaceX Starlink ibukin ana bai n buaka ao te reitaki imarenaia ana taanga n buaka te aba aio.

Inanon maten ana intanete Ukraine ao e boo ma kanganga ibukin kabonganaan ana drone ake e nang kakabongana ngkai ibukin ana bai n buaka n te aro are roota naba aroia ana tautia ake a teimatoa n nang kakabongana te tieweti aio. E kamatoa n taku te minita ibukin te tararuan te aba ae Yevgeniy Khmara ba ngkai ea okira arona te tiewete aio man roko n birin aia intanete are a tataneiai iai  mai imwaina. 

E bukibuki te Beretitenti mai Ukraine ae Volodymyr Zelensky nakon te tautaeka n Amerika ao te tia baibai n te kambana ae Space X Elon Musk ba ngaia ae a tia n boraraoiakina kamatean ana tieweti te starlink iaon Ukraine ma a bane n kakewei bukibuki aikai.