Buranti, Paris- 25 Okitoba 2026.

Ea tia te tia kakati n tiringa temanna ao n kaikoakiia niiman aomata n kawan Buranti ae  La Verrière mai maeaon Paris. Ibuakoia niman ake a ikoaki ao bon te ataei n aine ae ai tiba 12 ana ririki are e nang kakaiaki ikoakina

A taku bureitiman ba te tia kakati aio e buti iaon ana kaa ao n kaakati n aki akaka irarikin taabo n bwaa, te onnaoraki ao aia tabo n takakaro ataei. E taku te Beretitenti i Buranti ae Emmanuel Macron, ba te makuri n kakati aio e irekereke ma te kairiribai nakoia ake tiaki kaain te aba (Racist) ao n tua ba te tia kakati aio e tii katiia koraki ake aki mainaina kuniia

Ea tia n katikaki ao n kawakinaki te tia kakati aio, 39 ana ririki ni maiu raona ma ana utu ibukin te mwakuri n kakaei, te keiti aio ngkai ea wene nakoia bureitiman ao taan kakaenako rongorongo (detective) iaon Buranti ibukin ataakin bukin te kakati aio.